इजरायल र इरानबीच आक्रमण सुरु भएपछि खाडी क्षेत्रको सुरक्षा अवस्थालाई लिएर चिन्ता बढेको छ । यसैबीच इरानका सर्वोच्च नेता अयातोल्लाह अली खामेनीको मृत्यु भएको पुष्टि भएको छ । हिजो अमेरिका र इजरायलले धेरै इरानी शहरहरूमा आक्रमण गरेका थिए । अमेरिका र इजरायलको आक्रमणबाट इरानमा कम्तिमा १३३ जना नागरिकको मृत्यु भएको र २०० भन्दा बढी घाइते भएको अन्तराट्रिय सञ्चारमाध्यमहरुले जनाएका छन् ।
बिज्ञापन
यो हमलाको मारमा खाडी मुलुकमा रहेका झण्डै २० लाख नेपाली श्रमिकहरु प्रत्यक्ष मारमा परेका छन् । खाडी क्षेत्रमा मात्रै कार्यरत नेपालीको संख्या करिब १९ लाख रहेको छ ।
बिज्ञापन
सबैभन्दा बढी संयुक्त अरव इमिरेट्समा ९ लाख, साउदी अरबमा ३ लाख ८४ हजार, कतारमा ३ लाख ६० हजार, कुवेत १ लाख ७५ हजार, बहराइन ३० हजार र ओमान २५ हजार कार्यरत छन् । इराकमा २५ हजार, इजरायलमा ५ हजार, लेबनानमा १ हजार नेपाली रहेका छन् ।
यसैबीच परराष्ट्र मन्त्रायलले इरानमा रहेका सम्पूर्ण नेपाली सुरक्षित रहेको परराष्ट्र मन्त्रालयले जनाएको छ । विभिन्न प्रयोजनमा इरानमा रहेका १२ जना नेपालीमध्ये दुई जना नेपाल आइसकेका छन् । आठ जना नेपाली अझै इरानमै छन् । उनीहरू सबै जना सुरक्षित छन् । उनीहरूसँग नेपाली दूतावास निरन्तर सम्पर्कमा रहेको मन्त्रालयले जनाएको छ ।
